| Погода |
|---|
 |
| Главная |
|---|
| Новости |
| Знаменитости |
| Подписка на газету |
Вышкань школань прявтось А.В. Гафарова евтнесь, кодат тевть, мелявкст сынь ютавтыть тонавтоманть коряс. Кортамонть поладызе образованиянь Министерствань главной специалистэсь Ф.Т.Улендеева. Сон толковась, кода эряви тонавтомс эйкакштнэнь тиринь келень вечкеме. Сонзэ правтоманзо коряс минек енкссо панжовить ламо кружокт, урокт, конатнесэ тонавтови тиринь культурась ды келесь: эрзянь, мокшонь, чуважонь, татаронь.
Зярдо- бути Вышки велесь ульнесь весе шокшань, кезэрень пингень эрзя-мокшонь плематне састь тев 1-2 пингстэ. Мордвань кужосонть (3 вайгельбеть неень Вышки веледенть) и велетнень бокасо Бессоново и Кильдюшево теевсть кавто эрямотаркань буйть. Мокшэрзятне аволь вейкетьстэ тустосто эрясть эсест этнической эрямо таркасост. Седе ламот эйстэст пуромильть модань сокамонь ды ракшань кирдемань паро таркатнес. Истямо таркакс ульнесть васняяк Рав чиресь, леень лёмтне( пойма) ды виртнень потсо чаво таркатне.
Ютась шкась, велесь кармась вишкалгадомо, састь колхозонь тевтнень коряс лия эрицят: рузт, татарт, чуважт. Школаськак вишкалгадсь, ансяк 11 эйкакшт содасызь тиринь келенть. Пек лезды а стувтомс шокшань койтнень-кирдатнень школань тонавтыцясь Т.А. Ляукина. Сон вадрясто седи баянсо, гармониясо, аккордионсо, весе мелензэ-правтоманзо путы, штобу эйкакштнэ содавлизь тиринь келест, коест, культураст.
-Арсян, тынь а макссынк эрзянь ды мокшонь лисьмапрянтень коськемс – седеяк ваньскавтсынк, штобу ведесь жойнезь - жойнезь чудезэ,- свал корты тонавтницятненень Татьяна Андреевна.
Вышка велень эрицятне покшкавтнить-каштангалить эсест велестэ лисиця ломанде, масторонь коряс содавикс артыцядонть Никас Сафроновдо. Сонзэ тетянь-авань кудоюртось ашти витьстэ школанть каршо. Тонавтыцятнеяк кортыть, што Коля тонавтнемстэяк ульнесь пек ероков эрьва мезень артомсто, превей ды содамос бажиця.
Мейле минь пачкодинек Ундоры велень лицеентень. Эряви меремс, школань кудось од, мазый ды ванькс. Классонь, коридоронь стэндтнэ теезь паро мельсэ. Арсетяно, эйкакштнененьгак тесэ вадря тонавтнемс.
Ундоры веленть содасызь весе минек масторонть келес. Аволь васоло аштить содавикс курортнэ: В.И.Ленинэнь лемсэ санаториясь ды Дубки. Ундоры валось эрзянь кельсэ – ундо (дупло). Нать минек кезэрень раськень ломантне кекштнесть неть таркатнева душмантнэде ды эрьва кодамо зыяндо. Минералонь веденть ловсть тесэ ине (святой) ведекс. Лицейсэнть минь вастынек минек раськень ломань Л.Г.Лабазовань. Сон ламо кортась терюханонь койде-кирдадо, оршамопельде.
Ломанесь мазый ды виев , зярдо сон вечки ды вансты сень, мейсэ сюпаволь сонзэ раськесь,- прядызе неть валтнэсэ эсензэ кортамонзо Любовь Геннадьевна.
Кругловой стольсэ мольсь кортамось этнокультурань образованиянь проблематнеде. Ф.Т. Улендеева планонь кемекстамсто сехте покш тарка явсь сенень, кода кастомс эйкакштнэнь ды од ломантнень бажамост тиринь народонть историянзо, койтнень тонавтнемантень, эрзянь ды мокшонь школатнень кепедемантень, кастомантень. Вишкалгадыть школатнень ламочист, косо тиринь келентень ды литературантень явить мель. Кортыцятне тешкстызь сеть паро эскелькстнэнь, конат теезь национальной культурань ванстомасонть ды кастомасонть.
Седе стака кортамс, зярдо сынсь тонавтыцятне, сынст ютксо улить эрзяткак, молить тиринь келенть каршо. Сынст валост коряс, те предметэсь аволь ансяк а эряви, сон канды зыян: эйкакштнэ, келя, рузокс беряньстэ кармить кортамо. Секс аволь ансяк школасо, кудосояк, эйкакштнэ кортыть рузокс, эрзянь вал марят пек чуросто. Истят «рузтнэ» а арсить, паряк, седе: ламо келень содамось аволь зыян, мекевланк, максы покш лезкс тонавтнемань тевсэ, касты эйкакшонь кель-валонть, сон седе куроксто арси, седе кеместэ кирди содамочитнень. Ансяк келень тонавтомась панжсы сонзэ сюпавчинзэ, мазычинзэ, эрявксчинзэ. Тень эряви чарькодемс васняяк тетятненень-аватненень, тонавтыцятненень. Мейле пачтямс эйкакштнэнь пряскак.
Ялгава.
